काठमाडौं, २ मंसिर । बजारमा बुधबार पनि सुनचाँदीको मूल्य घटेको छ । आज एकैदिन सुनको मूल्य प्रतितोला ६ हजार ३०० रुपैयाँले घटेको हो ।
नेपाल सुनचाँदी व्यवसायी महासंघका अनुसार आज सुन प्रतितोला २ लाख ६० हजार ९०० रुपैयाँमा कारोबार भइरहेको छ । हिजो मंगलबार सुन प्रतितोला २ लाख ६७ हजार २०० रुपैयाँमा कारोबार भएको थियो ।
त्यस्तै, चाँदीको मूल्य प्रतितोला ११० रुपैयाँले घटेको छ । हिजो प्रतितोला ३ हजार ४९० रुपैयाँमा कारोबार भएको चाँदी आज पुन घटेर ३ हजार ३८० रुपैयाँ कायम भएको महासंघले जनाएको छ ।