काठमाडौं, २५ भदौ । बिहीबार नेपाल स्टक एक्सचेन्ज (नेप्से) परिसूचक घटेको छ । आज नेप्से परिसूचक १३ दशमलव ८५ अंकले घटेर दुई हजार ५३१ दशमलव ५५ बिन्दुमा कायम भएको हो ।

आज १ करोड ५ लाख ८८ हजार ६५३ कित्ता शेयर किनबेच हुँदा ४ अर्ब ९ लाख रुपैयाँको कारोबार भएको छ । अघिल्लो कारोबार दिन मंगलबार २ अर्ब ९० करोड ६९ लाख रुपैयाँ बराबरको कारोबार भएको थियो ।

आज ६८ धितोपत्रको शेयर मूल्य बढ्दा १९९ को घटेको छ । यस्तै ११ धितोपत्रको भने स्थिर रहेको छ । यसदिन कुल ३४१ धितोपत्र कारोबारमा आएका छन् ।

आज लिबर्टी इनर्जीको शेयर मूल्यमा सकारात्मक सर्किट लागेको छ । यसैगरि डोल्टी पावर ८ दशमलव २२, अपर लोहोरे खोला हाइड्रोपावर ७ दशमलव ०२, इमर्जिङ नेपाल५ दशमलव ४६ र शिव श्री हाइड्रोपावरको शेयर मूल्य ४ दशमलव ९२ प्रतिशतले बढेको छ ।

बिहीबार सिन्धु विकास बैंक १४ दशमलव ९८, प्रभु सेलेक्ट फण्ड १० दशमलव २२, प्रभु स्मार्ट फण्ड ९ दशमलव ३, कर्पोरेट डेभलवमेन्ट बैंक ५ दशमलव २४ र शुवम् पावरको शेयर मूल्य ५ दशमलव १९ प्रतिशतले घटेको छ ।