काठमाडौं, २४ भदौ । श्रीलंकाका राजदूत महामहिम रुवन्थी डेल्पिटियाले आज परराष्ट्र मन्त्री शिशिर खनालसँग शिष्टाचार भेट गरेकी छन् ।

सिंहदरबारस्थित परराष्ट्र मन्त्रालयमा भएको भेटवार्ताका क्रममा राजदूत डेल्पिटियाले हालैको विनाशकारी बाढीबाट प्रभावित नेपालका लागि श्रीलंका सरकारको तर्फबाट १० लाख अमेरिकी डलर आर्थिक सहयोग हस्तान्तरण गरेकी थिइन् ।

भेटवार्ताका क्रममा राजदूत डेल्पिटियाले बाढीका कारण भएको जनधन तथा पूर्वाधारको क्षतिप्रति श्रीलंका सरकार र जनताको तर्फबाट गहिरो दुःख व्यक्त गर्दै नेपाल सरकार र नेपाली जनताप्रति ऐक्यबद्धता प्रकट गरेकी थिइन् ।

सो अवसरमा परराष्ट्र मन्त्री खनालले श्रीलंका सरकार र जनताले देखाएको ऐक्यबद्धता तथा विस्तार गरेको आर्थिक सहयोगका लागि गहिरो आभार प्रकट गरे । साथै उनले यो सहयोगले दुई देशबीचको गहिरो सम्बन्ध, मित्रता र आपसी सहकार्यलाई थप सुदृढ बनाएको बताए ।