काठमाडौं, ३२ असार । कर्णाली प्रदेश सरकारले साउने संक्रान्ति तथा देउडा पर्वको अवसरमा प्रदेशभर सार्वजनिक बिदा दिने निर्णय गरेको छ । प्रदेश सरकारले साउन १ गते शुक्रबार कर्णालीका सबै सरकारी कार्यालय तथा सार्वजनिक संघसंस्था बन्द रहने जनाएको हो ।

मुख्यमन्त्री तथा मन्त्रिपरिषद्को कार्यालयले बिहीबार जारी गरेको सूचनामार्फत सार्वजनिक बिदाबारे जानकारी गराएको हो । प्रदेश सचिव लक्ष्मीकुमार विकद्वारा जारी सूचनामा कर्णाली प्रदेश मन्त्रिपरिषद्को २०८२ चैत २४ गते बसेको बैठकले साउने संक्रान्ति तथा देउडा पर्वका अवसरमा बिदा दिने निर्णय गरेको उल्लेख छ ।

कर्णाली प्रदेश सरकारले आफ्नो मौलिक संस्कृति, परम्परा र पहिचानसँग जोडिएको देउडा पर्वको संरक्षण र प्रवद्र्धन गर्ने उद्देश्यले हरेक वर्ष साउने संक्रान्तिका दिन सार्वजनिक बिदा दिँदै आएको छ ।