काठमाडौं, २६ असार । साताको अन्तिम कारोबार दिन शुक्रबार नेप्से परिसूचक घटेको छ । आज नेप्से परिसूचक १ दशमलव १३ अंकले घटेर २ हजार ६०० दशमलव ७८ विन्दु कायम भएको हो ।

१ करोड ६ लाख ६० हजार ५३७ कित्ता शेयर खरिदबिक्री हुँदा ६ अर्ब ८६ करोड ७ लाख रुपैयाँको शेयर किनबेच भएको छ ।

कारोबारमा आएकामध्ये १२० कम्पनीको मूल्य बढ्दा १३५ कम्पनीको घटेको छ भने १९ कम्पनीको मूल्य स्थिर रह्यो ।

आज आत्मनिर्भर लघुवित्तको १० दशमलव ६६, कुमारी इक्वीटी फन्ड ९ दशमलव ०९, कलंगा हाइड्रो लिमिटेडको ६ दशमलव ९२, सनिगाड हाइड्रोको ६ दशमलव १५, टक्सार पिखुवा खोला हाइड्रोपावरको शेयर मूल्य ६ दशमलव ०१ प्रतिशतले मूल्य बढेको छ ।

यस्तै भगवती हाइड्रोपावर डेभलपमेन्ट कम्पनीको ७ दशमलव ८४, एनआईबीएल स्टेबल फन्डको ७ दशमलव ६३, सिटिजन्स बैंक डिबेञ्चर २०८६ को ७, स्नो रिभर्स लिमिटेडको ६ दशमलव ७१, न्यादी हाइड्रोपावर लिमिटेडको शेयर मूल्य ६ दशमलव ६८ प्रतिशतले मूल्य घटेको छ ।