पूर्वडिआइजी ठकुरीको निधन
अनलाइनसमय |
काठमाडौं, १७ असार । नेपाल प्रहरीका पूर्व प्रहरी नायब महानिरीक्षक (डिआइजी) अर्जुन चन्द ठकुरीको निधन भएको छ ।
जिल्ला प्रहरी परिसर ललितपुरका एसएसपी तुलबहादुर कार्कीका अनुसार बुधबार बिहान ललितपुरस्थित मेडिसिटी अस्पतालमा उपचारका क्रममा उनको मृत्यु भएको हो ।
करिब १० दिनअघि भैंसेपाटीस्थित आफ्नै निवासमा लडेर टाउकोमा गम्भीर चोट लागेपछि उनलाई उपचारका लागि मेडिसिटी अस्पताल भर्ना गरिएको थियो । उपचार जारी रहे पनि उनको स्वास्थ्यमा सुधार आउन नसक्दा बुधबार बिहान निधन भएको प्रहरीले जनाएको छ ।
