आज पनि स्थगित भयो प्रतिनिधि सभा बैठक
अनलाइनसमय |
काठमाडौं, १२ असार । प्रतिनिधि सभा बैठक आज पनि स्थगित भएको छ । प्रतिनिधि सभाले शनिबार बिहान ११ बजेका लागि बस्ने गरी नयाँ सूचना जारी गरेको छ ।
शुक्रबार दिउँसो १ बजेका लागि बोलाइएको बैठक सो समयमा बस्न नसक्ने भएकाले शनिबार बिहान ११ बजे बस्ने गरी बोलाइएको प्रतिनिधि सभाका महासचिव पद्मप्रसाद पाण्डेयले जानकारी दिए । यसअघि बिहीबारका लागि बैठक बस्ने मिति तोकिएकोमा स्थगित भएको थियो ।
रास्वपाको महाधिवेशन अझै नसकिएकाले बैठक आज पनि शनिबार बिहान ११ बजेसम्मका लागि स्थगित गरिएको हो ।
असार ७ गतेबाट चितवनको भरतपुरमा सुरु भएको सत्तारुढ दल राष्ट्रिय स्वतन्त्र पार्टी (रास्वपा) को महाधिवेशन अझै सकिएको छैन । २७५ सदस्यीय प्रतिनिधि सभामा रास्वपाका १८२ सदस्य छन् ।
यसअघि असार ५ गते रास्वपाकै महाधिवेशनलाई केन्द्रित गरेर संसद् बैठक ६ दिनका लागि पछाडि सारिएको थियो ।
