काठमाडौं, १० असार । सत्तारुढ दल राष्ट्रिय स्वतन्त्र पार्टी (रास्वपा) को जारी महाधिवेशन लम्बिएपछि बिहीबारका लागि बोलाइएको प्रतिनिधि सभाको बैठक स्थगित भएको छ । संघीय संसद् सचिवालयले सूचना टाँस गर्दै भोलि बिहान ११ बजे तय भएको बैठक स्थगित भएको जनाएको हो ।

संसद्का महासचिव पद्मप्रसाद पाण्डेयले जारी गरेको सूचना अनुसार अब प्रतिनिधि सभाको अर्को बैठक आगामी असार १२ गते दिउँसो १ बजे बस्नेछ ।

यसअघि रास्वपाकै महाधिवेशनलाई केन्द्रित गरेर संसद् बैठक ६ दिनका लागि पछाडि सारिएको थियो । तर चितवनमा भइरहेको दलको आन्तरिक चुनाव नसकिएपछि भोलिको बैठक सारिएको हो ।