तोलामा ५६ सयले बढ्यो सुनको मूल्य
अनलाइनसमय |
काठमाडौं, १३ जेठ । नेपाली बजारमा आज सुनको मूल्य बढेको छ । अघिल्लो कारोबार दिनको तुलनामा आज सुन तोलामा ५ हजार ६ सय रुपैयाँले बढेको हो ।
नेपाल सुनचाँदी व्यवसायी महासंघका अनुसार शुक्रबार छापावाल सुन प्रतितोला २ लाख ९० हजार ६ सय रुपैयाँमा कारोबार भइरहेको छ । अघिल्लो कारोबार दिन बिहीबार सुन तोलामा साढे ५ हजारले घटेर २ लाख ८५ हजार रुपैयाँमा कारोबार भएको थियो ।
यस्तै, आज चाँदी भने तोलामा १७५ रुपैयाँले बढेको छ । बिहीबार प्रतितोला ४ हजार ८६५ रुपैयाँमा कारोबार भएको चाँदी आज ५ हजार ४० रुपैयाँ कायम भएको महासंघले जनाएको छ ।
