काठमाडौं, १२ असोज । नेपाली कम्युनिष्ट पार्टीका सांसद युवराज दुलालले पूर्वप्रधानन्यायाधीश चोलेन्द्रशमशेर जबरालाई मध्यरातमा पक्राउ गरिएको घटनाप्रति आपत्ति जनाएका छन् ।

सोमबार प्रतिनिधिसभा बैठकमा बोल्दै दुलालले पक्राउ पुर्जी र स्पष्ट कारणबिनै जबरालाई पक्राउ गरिएको भन्दै सरकारमाथि प्रश्न उठाए । सुरक्षा थ्रेटका नाममा थ्रेटमा रहेका व्यक्तिलाई नै पक्राउ गरिएको भन्दै उनले यसको जवाफ दिन सरकारसँग माग गरे ।

दुलालले मध्यरातमा निर्णय गर्ने र केही घण्टामै निर्णय परिवर्तन गर्ने प्रवृत्तिले राज्य सञ्चालनमाथि प्रश्न उठाएको बताए । ‘मध्यरातमा जोस र दिउँसो होस हराउने सरकारको कार्यशैलीले जनतालाई निराश बनाएको छ, के खाएपछि यस्तो मध्यरातमा जोस र दिउँसो होस हराउँछ, सरकारले यसको जवाफ दिनुपर्छ, उनले भने ।

उनले सरकारलाई संवैधानिक र कानुनी बाटोबाट अघि बढ्न आग्रह गरे ।