तोलामा दुई हजारले घट्यो सुनको मुल्य
अनलाइनसमय |
काठमाडौं, ३० वैशाख । नेपाली बजारमा तीन दिन यता लगातार सुनको मुल्य घटिरहेको छ । मंगलबार पनि सुनको मूल्य सोमबारको तुलनामा तोलामा २ हजार रुपैयाँले घटेको हो ।
नेपाल सुनचाँदी व्यवसायी महासङ्घका अनुसार आज छापावाल सुन प्रतितोला १ लाख ८४ हजार ८ सय रुपैयाँमा कारोबार भइरहेको छ । अघिल्लो दिन सुन तोलामा ३ हजार ७ सय रुपैयाँले घटेर १ लाख ८६ हजार ८ सय रुपैयाँमा कारोबार भएको थियो ।
यस्तै, आज चाँदीको मूल्य भने बढेको छ । सोमबार प्रतितोला १ हजार ९६० रुपैयाँमा कारोबार भएको चाँदी आज १ हजार ९७० रुपैयाँमा कारोबार भइरहेको महासंघले जनाएको छ ।
ताजा समाचार
