काठमाडौं, १० माघ । केही दिन यता निरन्तर बढिरहेको सुनको आज मूल्य घटेको छ । सुनको मूल्य बिहीबार तोलामा ४०० रुपैयाँले घटेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ५९ हजार ६ सय रुपैयाँमा कारोबार भईरहेको छ ।

अघिल्लो कारोबार दिन बुधबार सुन प्रतितोला १९ सय रुपैयाँले बढेर १ लाख ६० हजार रुपैयाँमा कारोबार भइरहेको थियो ।

त्यस्तै,आज चाँदीको मूल्य पनि घटेको छ । यस दिन चाँदी तोलामा २० रुपैयाँले घटेर१ हजार ८ सय ७५ रुपैयाँमा कारोबार भईरहेको छ । बुधबार चाँदी प्रतितोला १ हजार ८ सय ९५ रुपैयाँमा कारोबार भएको थियो ।