काठमाडौं, ८ माघ । जनता समाजवादी पार्टी (जसपा) नेपालले केन्द्रीय कार्यकारिणी समितिको बैठक आह्वान गरेको छ ।
माघ १९ र २० गते पार्टी केन्द्रीय कार्यालय बालकुमारीमा बस्ने गरी बैठकको आह्वान भएको हो । माघ १९ गते बिहान ११ बजेदेखि बैठक सुरू हुने प्रचार विभाग प्रमुख पूर्ण बस्नेतले जानकारी दिए ।

बैठकमा समसामयिक राजनीतिक विषय, पार्टीले सञ्चालन गरेको सङ्गठन निर्माण अभियानलगायतका एजेन्डामा छलफल हुने बताइएको छ ।

पार्टीका पदाधिकारी तथा सदस्यहरुलाई आ–आफ्नो जिम्मेवारी र कार्यक्षेत्रअन्तर्गत भए गरेका कार्य प्रगति विवरणको लिखित प्रतिवेदनसहित बैठकमा अनिवार्य उपस्थित हुन जसपा नेपालले जनाएको छ ।