काठमाडौं, २५ पुस । साताको अन्तिम कारोबार दिन नेपाल स्टक एक्सचेन्ज (नेप्से) परिसूचक १८.१४ अङ्कले घटेको छ । यो सँगै परिसूचक २ हजार ६ सय ३५.०९ विन्दुमा कायम भएको छ । अघिल्लो कारोबार दिन ६.३६ अङ्कले बढेर २ हजार ६ सय ५३.२३ विन्दुमा कायम भएको थियो ।

आज १ करोड ५७ लाख २३ हजार ३ सय ७९ कित्ता शेयर ७३ हजार ३ सय ९ पटक किनबेच हुँदा ७ खर्ब ३० करोड ५३ रुपैयाँ बराबरको कारोबार भएको छ । अघिल्लो दिन ६ अर्ब ४० करोड ७९ लाखको कारोबार भएको थियो ।

आज ५५ धितोपत्रको मूल्य बढ्दा १८० को घटेको छ । त्यस्तै ७ धितोपत्रको मूल्य स्थिर रह्यो । यसदिन ३०८ धितोपत्र कारोबारमा आएका थिए ।

आज होटल तथा पर्यटन समूह ०.९९ प्रतिशतले बढ्दा अन्य सूचक घटेको छ । फाइनान्स २.९३, बैंक ०.४३, विकास बैंक २.०४, हाइड्रोपावर ०.३८ प्रतिशतले घटेको छ । यस्तै लगानी ०.३७, जीवन बीमा १.१४, माइक्रोफाइनान्स १.२५, निर्जीवन बीमा ०.३४ र अन्य ०.४४ प्रतिशतले घटेको छ ।

आज दुई कम्पनीको शेयर मूल्यमा सकारात्मक सर्किट लागेको छ । हिमालयन पावर पार्टनर र बारही हाइड्रोपावरको १० प्रतिशतले मूल्य बढेको छ । रिभरफल्स पावरको ८.१९, न्यादीको ८.११ प्रतिशतले मूल्य बढेको छ ।