नेपाल प्रहरीका पाँच एसएसपीको सरुवा : को कहाँ पुगे ?
अनलाइनसमय |
काठमाडौं, १७ पुस । नेपाल प्रहरीका पाँच वरिष्ठ उपरीक्षक (एसएसपी)हरुको सरुवा भएको छ । मंगलबार साँझ प्रहरी प्रधान कार्यालयको सिफारिसमा गृह मन्त्रालयले पाँच एसएसपीहरूको सरुवा गरेको हो ।
सरुवा सूचीअनुसार सुदूरपश्चिम प्रदेश प्रहरीमा कार्यरत एसएसपी श्यामकृष्ण अधिकारी जिल्ला प्रहरी परिसर ललितपुरको प्रमुखमा सरुवा भएका छन् । परिसर ललितपुरमा कार्यरत एसएसपी शेखर खनाललाई भने काठमाडौं उपत्यका प्रहरी कार्यालय रानिपोखरीमा पठाइएको छ ।
रानिपोखरीका एसएसपी विनोद घिमिरेलाई काठमाडौं उपत्यका ट्राफिक प्रहरी कार्यालय रामशाह पथमा पुगेका छन् ।
यस्तै राष्ट्रिय सुरक्षा परिषदको सचिवालय सिंहदरबारमा कार्यरत एसएसपी सोमेन्द्र सिंह राठौरलाई पनि सरुवा गरिएको छ । उनलाई त्रिभुवन अन्तर्राष्ट्रिय विमानस्थल सुरक्षा कार्यालय गौचरमा पठाइएको छ ।
अपराध अनुसन्धान विभागका कार्यरत एसएसपी भुपेन्द्र खत्रीलाई भरतपुर शिक्षालयमा सरुवा गरिएको छ ।
