काठमाडौं, १० जेठ । राष्ट्रिय वाणिज्य बैंकको प्रमुख कार्यकारी अधिकृत (सीईओ)मा देवेन्द्ररमण खनाल नियुक्त भएका छन् ।

चार्टर्ड एकाउन्टेन्टसमेत रहेका खनाललाई बिहीबार बसेको बैंक सञ्चालक समितिको बैठकले चार वर्षे कार्यकालका लागि सीईओमा नियुक्त गरेको हो।

किरणकुमार श्रेष्ठको दुई कार्यकाल सकिएपछि खनाललाई कामु सीईओको जिम्मेवारी दिइएको थियो । उनी १६ वर्षअघि राष्ट्रिय वाणिज्य बैंकमा प्रवेश गरेका थिए ।

बैंकले सीईओको आवेदन खुला गरेपछि १९ जनाले आवेदन दिएका थिए । तीमध्ये पाँचजनाको नाम सर्ट लिस्टमा परेको थियो । जसमा खनालसहित कृष्णबहादुर अधिकारी, प्रकाशचन्द्र अधिकारी, विष्णुदेव यादव र शंकर केसी परेका थिए । बाँकी चारजना उम्मेदवारलाई पछि पार्दै खनाल सीईओमा नियुक्त हुन सफल भएका हुन् ।