काठमाडौं, १२ चैत । विद्युत् नियमन आयोगले माईखोला हाइड्रोपावरलाई शतप्रतिशत हकप्रद शेयर निष्काशन गर्न स्वीकृति प्रदान गरेको छ ।

आयोगको चैत ११ को बैठकले माईखोलालाई १ः१ अनुपातमा हकप्रद सेयर जारी गर्न अनुमति दिएको सूचनामा उल्लेख छ ।

अब कम्पनीले नियामकबाट स्वीकृति प्राप्त गरेपछि हकप्रद शेयर निष्कासन प्रस्ताव आगामी वार्षिक साधारणसभामा पेस गर्ने जनाएको छ । उक्त प्रस्ताव साधारणसभाबाट पारित भएपछि र नेपाल धितोपत्र बोर्डले अनुमति दिएपछि हकप्रद शेयर निष्काशन गर्नेछ । कम्पनीले हाल कायम रहेको चुक्ता पूँजीअनुसार कुल ३९ लाख २१ हजार ५६८ कित्ता हकप्रद शेयर निष्काशन गर्नेछ ।

हाल कम्पनीको चुक्ता पुँजी ३९ करोड २१ लाख ५६ हजार ८०० रुपैयाँ छ । शतप्रतिशत हकप्रद निष्कासनपछि कम्पनीको चुक्ता पुँजी ७८ करोड ४३ लाख ३ हजार ६०० रुपैयाँ पुग्नेछ ।