काठमाडौं, ६ माघ । बुटवलस्थित सुप्रिम सहकारीको ठगी प्रकरणमा पूर्वगृहमन्त्री एवम् राष्ट्रिय स्वतन्त्र पार्टी (रास्वपा)का सभापति रवि लामिछानेसहित ४२ जनाविरुद्ध मुद्दा दायर भएको छ ।

जिल्ला सरकारी वकिल कार्यालय रुपन्देहीले ठगी र संगठित अपराधको कसुरमा लामिछानेसहित थप १४ जनाविरुद्ध मुद्दा दर्ता गरेको हो । यसअघि २८ जनालाई प्रतिवादी बनाएर मुद्दा दर्ता भइसकेको छ । यससँगै उक्त सहकारी ठगी प्रकरणमा ४२ जना प्रतिवादी पुगेका छन् ।

लामिछानेविरुद्ध व्यक्तिगत २ करोड र सामूहिक २ करोड गरी ४ करोड रुपैयाँभन्दा बढी बिगो मागदाबी गरिएको छ ।
१८ चैत २०७७ मा स्वीकृत ऋणबाट कटौतीपछि १ करोड ९६ लाख रुपैयाँ ग्लोबल आईएमई बैंकमार्फत गोर्खा मिडिया नेटवर्कको खातामा जम्मा भएको प्रमाण भेटिएको छ ।