काठमाडौं, २ माघ । नेपाल धितोपत्र बोर्डले मुद्दती निक्षेपमा लगानी गर्ने भएको छ । यस अघि बोर्डले लगानीयोग्य रकमलाई ६ महिने अवधिका लागि मुद्दतीमा राख्न ‘क’ वर्गका वाणिज्य बैंकहरूलाई प्रस्ताव आह्वान गरेको थियो । सूचनाअनुरुप लगानीको लागि कुनै प्रस्ताव नआएकाले बोर्डले फेरी आज एक सूचना जारी गर्दै सो प्रस्ताव आह्वान गरेको हो ।

यसका लागि इच्छुक बैंकहरूले ६ महिने ब्याज दरसहित आजको मितिले ३ कार्यदिनभित्र शिलबन्दी प्रस्ताव पेस गर्नुपर्नेछ ।

शिलबन्दी फाराम बोर्डको वेबसाइटबाट प्राप्त गर्न सकिने सूचनामा उल्लेख छ । साथै, थप जानकारीका लागि बोर्डको लेखा तथा वित्त शाखामा सम्पर्क गर्न भनिएको छ । प्रस्ताव पेश गरिएको शिलबन्दी सोही दिन अपरान्ह १ः३५ बजे बोर्डको कार्यालय खुमलटारमा खोलिने जनाइएको छ ।