काठमाडौं, १ पुस । शिवम् सिमेन्ट लिमिटेडले गत आर्थिक वर्ष २०८०/८१ को मुनाफाबाट शेयरधनीहरुलाई लाभांश घोषणा गरेको छ ।

कम्पनीको मंसिर २७ गते बसेको सञ्चालक समितिको बैठकले हाल कायम चुक्तापूँजीको ८.५५ प्रतिशत बोनस शेयर र कर प्रयोजनका लागि ०.४५ प्रतिशत नगद लाभांश गरी कुल ९ प्रतिशत लाभांश दिने निर्णय गरेको हा ।

उक्त प्रस्तावित लाभांश आगामी वार्षिक साधारण सभाले पारित गरेपश्चात् शेयरधनीलाई वितरण गरिनेछ ।

साथै बैठकले कम्पनीको साधारणसभा पुस २९ गते, सोमबार, राष्ट्रिय सभा गृह, भुकृटीमण्डप, काठमाडौँमा साधारण सभा बोलाउने निर्णय पनि गरेको छ ।

साधारण सभा तथा लाभांश वितरण प्रयोजनका लागि कम्पनीले पुस १७ गते एक दिनका लागि बुक क्लोज गर्ने निर्णय गरेको छ । यसर्थ पुस १६ गतेसम्म नेप्सेमा कारोबार भई कायम भएका शेयरधनीहरु मात्रै कम्पनीद्वारा प्रस्तावित लाभांश पाउन र सभामा सहभागीता जनाउन पाउनेछन् ।