63 Views
काठमाडौं, १९ मंसिर । नेपाल प्रिमियर लिग एनपीएलमा काठमान्डु गुर्खाजले पहिलो जित हात पारेको छ ।
कीर्तिपुरस्थित टीयू मैदानमा बुधबार भएको छैटौं खेलमा काठमान्ड गुर्खाजले कर्णाली याक्सलाई ३ विकेटले पराजित गरेको हो । कर्णालीले दिएको १५० रनको लक्ष्य काठमान्डुले ३ बल बाँकी छ्दा नै ७ विकेट गुमाएर १५३ रन बनाउँदै पूरा गरेको हो ।
काठमान्डुका लागि सुमित महर्जनले ४० रन जोड्दै अविजित रहे । त्यस्तै कप्तान करण केसीले १० बलमा २८ रन जोडे । जेरार्ड एरासमसले ३८ र माइकल लेभिटले २२ रन बनाए ।
।
त्यसअघि टीयु क्रिकेट मैदानमा टस हारेर पहिला ब्याटिङ गरेको कर्णालीले निर्धारित २० ओभरमा ५ विकेट गुमाउँदै १४९ रन बनाएको थियो । कर्णालीका शिखर धवनले ५१ बलमा ७२ रन जोड्दै अविजित रहे ।
पहिलो खेलमा काठमाडौं चितवन राइनोजसंग ५ विकेटले र दोस्रो खेलमा कर्णाली जनकपुर बोल्ट्ससंग ८ विकेटले पराजित भएका थियो ।
