काठमाडौं, १२ मंसिर । बुधबार नेपाल स्टक एक्सचेन्ज (नेप्से) परिसूचक दोहोरो अङ्कले बढेको छ । आज परिसूचक ३९ दशमलव ७० अङ्क अर्थात् १.४६ प्रतिशतले बढेर २ हजार ७ सय ५६ दशमलव ३६ को विन्दुमा बन्द भएको छ ।

नेप्से परिसूचकसँगै आज कारोबार रकम पनि बढेको छ । यस दिन एक करोड ७१ लाख ८३ हजार ८५४ कित्ता शेयर ८९ हजार पटक पटक किनबेच हुँदा ९ अर्ब ३१ करोड २९ लाख रुपैयाँ बराबरको कारोबार भएको छ । अघिल्लो दिन मंगलबार ७ अर्ब ४४ करोडको कारोबार भएको तियो ।

बुधबार ३१६ धितोपत्र कारोबारमा आए, जसमध्ये २०० धितोपत्रको मूल्य बढेको छ । त्यस्तै ३८ धितोपत्रको मूल्य घटेको छ भने १६ वटा धितोपत्रको मूल्य स्थिर छ ।

यस दिन कारोबार भएका १३ समूहको उपसूचकमध्ये फाइनान्सको बाहेक सबै समूहको उपसूचक बढेको छ ।

बुधबार ७ वटा कम्पनीको शेयर मूल्य १० प्रतिशतले बढेको छ । बिशाल बजार कम्पनी, कर्णाली विकास बैंक, कर्पोरेट डिभलपमेन्ट बैंक, सिन्धु विकास बैंक, सपोर्ट माइक्रोफाइनान्स, सप्तकोशी डिभलपमेन्ट बैंक र मानुषी लघुवित्त वित्तीय संस्थाको शेयर मूल्य १० प्रतिशतले बढेको छ ।