80 Views
काठमाडौं, २९ कार्तिक । यस साताको कारोबारको अन्तिम दिन नेपाल स्टक एक्सचेन्ज (नेप्से) परिसूचक १३ दशमलव ९५ अङ्कले बढेको छ । बिहीबार परिसूचक १३ दशमलव ९५ अङ्कले बढेर २ हजार ७ सय ४८ दशमलव ७८को विन्दुमा बन्द भएको छ ।
आज नेप्से परिसूचकसँगै कारोबार रकम पनि बढेको छ । यस दिन २ करोड १६ लाख ६० हजार ६३९ कित्ता शेयर १ लाख १ हजार ५४५ पछक किनबेच हुँदा १० अर्ब ३२ करोड ३ लाख रुपैयाँ बराबरको कारोबार भएको छ । अघिल्लो दिन ७ अर्ब ९१ करोडको कारोबार भएको थियो ।
आज ३२१ धितोपत्र कारोबारमा आए, जसमध्ये १५९ धितोपत्रको मूल्य बढेको छ । त्यस्तै ७९ धितोपत्रको मूल्य घटेको छ भने ६ वटा धितोपत्रको मूल्य स्थिर छ ।
बिहीबार कारोबार भएका १३ समूहको उपसूचकमध्ये ७ वटा समूहको उपसूचक बढेको छ भने बाँकी उपसूचक घटेको छ । यस दिन हाइड्रोपावर समूहको उपसूचक सर्वाधिक १.३४ प्रतिशतले बढेको छ । त्यस्तै विकास बैंकको १.२१, होटल एन्ड टुरिजमको ०.८८, माइक्रोफाइनान्सको ०.७७, बैंकिङ समूहको ०.४४, म्युचुअल फन्डको ०.१७ र अन्य समूहको उपसूचक ०.६३ प्रतिशतले बढेको छ ।
आज व्यापार समूहको ०.६२, फाइनान्सको ०.०९, उत्पादनमुलक समूहको ०.२५, निर्जीवन बीमाको ०.०८, र लगानी समूह तथा जीवन बीमाको समान ०.०३ प्रतिशतले उपसूचक घटेको छ ।
बिहीबार तीन कम्पनीको शेयर मूल्यमा सकारात्मक ससर्किट लागेको छ । सर्किट लाग्नेमा गुराँस लघुवित्त, स्वाभिमान लघुवित्त र अपरहेवाखोला जलविद्युत् कम्पनी छन् । त्यस्तै ङादी ग्रुपको ९.७९, माछापुच्छ्रे बैंकको ९.५६, धौलागिरि लघुवित्त वित्तीय संस्थाको ८.७०, अभियान लघुवित्त वित्तीय संस्थाको ८.२७, साम्लिङ पावरको ७.६२ र बिन्ध्यवासिनी हाइड्रोपावरको ७.५५ प्रतिशतले शेयर मूल्य बढेको छ ।
यस दिन रावा इनर्जीको शेयर मूल्य सबैभन्दा धेरै ९.१२ प्रतिशतले घटेको छ । त्यस्तै कुथेली बुकरी स्मल हाइड्रोपावरको ७.३२, पिपुल्स हाइड्रोपावरको ६.०८, सुपरमाइ हाइड्रोपावरको ४.९२ र समृद्धि फाइनान्सको ४.३६ प्रतिशतले शेयर मूल्य घटेको छ ।
कारोबार रकमका आधारमा जानाकी फाइनान्स, ङादी ग्रुप पावर, समृद्धि फाइनान्स, नेपाल फाइनान्स, पिपुल्स हाइड्रोपावर क्रमशःअगाडि रहेका छन् ।
