76 Views
काठमाडौं, १२ असार । भारतको लोकसभाको सभामुख पदमा ओम बिरला निर्वाचित भएका छन् । उनी लगातार दोस्रो पटक लोक सभा सभामुख चुनिएका हुन् ।
भारतका प्रधानमन्त्री नरेन्द्र मोदीले भाजपा सांसद बिरलालाई सभामुख चयन गर्ने प्रस्ताव पेस गरेका थिए । उनलाई अमित शाह, नितिन गडकरी र राजनाथ सिंहले समर्थन गरेका थिए ।
इण्डिया गठबन्धनले कांग्रेसका कोडिकुन्निल सुरेशलाई उम्मेदवार बनाएको थियो । सरकारको नेतृत्व गरेको भारतीय जनता दल (भाजपा)सँगै एनडीए घटक दलका नेताहरूले पनि समर्थन गरेपछि ध्वनी मतबाट उनी सभामुख मा निर्वाचित भएका हुन् ।
कांग्रेससहितका विपक्षी दलहरू भने उनको विपक्षमा उभिएका थिए ।
