काठमाडौं, २७ जेठ । नेपाल राष्ट्र बैंक आगामी आर्थिक वर्ष २०८१÷०८२ को मौद्रिक नीति निर्माणमा जुटेको छ ।
केन्द्रीय बैंकले आइतबार एक सूचना प्रकाशित गर्दै आगामी आर्थिक वर्ष २०८१÷०८२ को मौद्रिक नीति तर्जुमाको लागि सरोकारवालाहरुसँग सुझाव माग गरेको छ ।

उक्त सूचना अनुसार राय सुझाव केन्द्रीय बैंकको आर्थिक अनुसन्धान विभागमा असार १६ गतेभित्र पेश गरिसक्नुपर्ने छ ।

नेपाल राष्ट्र बैंक ऐन, २०५८ मा भएबमोजिम यस बैंकले प्रत्यक वर्ष मौद्रिक नीति सार्वजनिक गर्दै आएको छ ।

मौद्रिक नीति तर्जुमा कार्यविधि, २०७३ अनुसार राष्ट्र बैंकले आर्थिक वर्ष समाप्त भएको १५ दिन भित्रै नयाँ मौद्रिक नीति सार्वजनिक गर्नुपर्छ ।