कुलेखानी जलाशयको सतह १ हजार ५२६ मिटर पुग्यो, सतर्क रहन आग्रह
अनलाइनसमय |
काठमाडौं, ११ असोज । लगातारको वर्षाका कारण मकवानपुरको कुलेखानी जलाशयमा पानीको सतह बढेर १ हजार ५२६ मिटर पुगेको छ । कुलेखानी प्रथम जलविद्युत् केन्द्रका अनुसार आइतबार बिहान ९ः२० बजे जलाशयको सतह उक्त उचाइमा पुगेको हो ।
पानीको सतह बढेसँगै केन्द्रले आसपासका क्षेत्रका बासिन्दा तथा सम्बन्धित सबैलाई सतर्कता अपनाउन आग्रह गरेको छ । जलसतह १ हजार ५२७ मिटर पुगेपछि पहिलो चेतावनीस्वरूप साइरन बजाइने केन्द्रले जनाएको छ।
केन्द्रले सम्भावित जोखिमलाई ध्यानमा राख्दै उच्च सावधानी अपनाउन र सूचनालाई अन्य व्यक्तिसम्म समेत पुर्याउन आग्रह गरेको छ ।
ताजा समाचार
