काठमाडौं, ४ असोज । देशभित्रै सुविधा सम्पन्न विश्वविद्यालय, कलेज तथा आवश्यक शैक्षिक संस्था भए पनि पछिल्लो समय नेपाली विद्यार्थी विदेशमा अध्ययन गर्न जानेक्रम बढ्दो छ । एक महिनामै वैदेशिक अध्ययनका लागि करिब पौने ११ अर्ब रुपैयाँ विदेशिएको छ ।

नेपाल राष्ट्र बैंकले तथ्याङ्कअनुसार चालू आर्थिक वर्ष (आव) २०८३/८४ को महिलो महिना साउनमा वैदेशिक अध्ययनका लागि १० अर्ब ८० करोड रुपैयाँ बाहिरिएको छ, जुन गत गत आवको सोही अवधिको तुलनामा २४ दशमलव ५२ प्रतिशतले कम हो । आव २०८२/८३ को एक महिनामा शिक्षातर्फको भ्रमण व्यय १४ अर्ब ३१ करोड रुपैयाँ थियो ।

शिक्षा र नेपालबाट विदेश घुमफिरमा जाने नेपालीसँगै १५ अर्ब ९२ करोड रुपैयाँ विदेशिएको छ । यो अघिल्लो आवको भदौको तुलनामा २६ दशमलव ६ प्रतिशतले कम हो । अघिल्लो वर्षमा यस्तो खर्च २१ अर्ब ७० करोड रहेको थियो ।

चालू आवको साउनमा खुद सेवा आय १० अर्ब ८२ करोडले घाटामा रहेको छ । गत आवको सोही महिनामा खुद सेवा आय १३ अर्ब २४ करोडले घाटामा रहेको थियो ।
राष्ट्र बैंकका अनुसार भ्रमणका लागि नेपाल आउने पर्यटकले नेपालमा गरेको खर्च सामान्य वृद्धि भई ५ अर्ब ४३ करोड रुपैयाँ पुगेको छ । गत आवको साउनमा यस्तो आय ५ अर्ब ४१ करोड रहेको थियो ।