काठमाडौं, १ असोज । बिहीबार नेपाल स्टक एक्सचेन्ज (नेप्से) परिसूचक बढेको छ । आज नेप्से परिसूचक ११ दशमलव ९३ अंकले बढेर दुई हजार ६२४ दशमलव ३६ बिन्दुमा कायम भएको हो ।

आज १ करोड ३६ लाख १० हजार ४९६ कित्ता शेयर किनबेच हुँदा ५ अर्ब ४९ करोड ९३ लाख रुपैयाँको कारोबार भएको छ ।

आज १७७ धितोपत्रको शेयर मूल्य बढ्दा ८५ को घटेको छ । यस्तै १६ धितोपत्रको भने स्थिर रहेको छ । यसदिन कुल ३३९ धितोपत्र कारोबारमा आएका छन् ।

बिहीबार धौलागिरी लघुवित्त १२ दशमलव ४३, नारायणी डेभलवमेन्ट बैंक ६ दशमलव ४४, माउण्टेन हाइड्रो नेपाल ५ दशमलव ५१, एनएमबी हाइड्रो फण्ड ४ दशमलव ४९ र पिपुल्स हाइड्रोपावरको शेयर मूल्य ४ दशमलव १९ प्रतिशतले बढको छ ।

यसदिन हिमालयन एभरेष्ट इन्सुरेन्स प्रमोटर ५, हाथवे इन्भेष्टमेन्ट नेपाल २ दशमलव ९७, सानिमा लार्ज क्याप फण्ड २ दशमलव ९६ र लक्ष्मी भ्यालु फण्डको शेयर मूल्य २ दशमलव ८९ प्रतिशतले घटेको छ ।