काठमाडौं, १७ साउन । आइतबार नेपाली बजारमा सुनको मूल्य घटेको छ । अघिल्लो कारोबार दिनको तुलनामा आज सुन तोलामा १ हजार ८०० रुपैयाँले घटेको हो । र चाँदी प्रतितोला ४५ रुपैयाँले घटेकोे हो।

नेपाल सुनचाँदी व्यवसायी महासंघका अनुसार आज सुन प्रतितोला २लाख ८३ हजार २०० रुपैयाँमा कारोबार भइरहेको छ। अघिल्लो कारोबार दिन शुक्रबार सुन प्रतितोला २ लाख ८५ हजार रुपैयाँमा कारोबार भएको थियो।

त्यस्तै, आज चाँदी तोलामा ४५ रुपैयाँले घटेको छ । शुक्रबार प्रतितोला ४ हजार ३६० रुपैयाँमा कारोबार भएको चाँदी आज ४ हजार ३१५ रुपैयाँमा कारोबार भइरहेको महासंघले जनाएको छ ।