काठमाडौं, ११ साउन । राष्ट्रपति रामचन्द्र पौडेल र प्रमुख प्रतिपक्षी नेपाली कांग्रेस संसदीय दलका नेता भीष्मराज आङ्देम्बेबिच सोमबार शीतल निवासमा भेटवार्ता भएको छ । उक्त भेटमा मुलुकको समसामयिक राजनीतिक अवस्था, संसद्को भूमिका तथा बाढी–पहिरो प्रभावित क्षेत्रको अवस्थाबारे छलफल भएको जनाइएको हो ।

आङ्देम्बेको सचिवालयका अनुसार भेटका क्रममा उनले देशका विभिन्न स्थानमा आएको बाढी र पहिरोबाट प्रभावित नागरिकको उद्धार, राहत वितरण तथा पुनस्र्थापनाका प्रयासबारे राष्ट्रपति पौडेललाई जानकारी गराएका थिए ।

छलफलका क्रममा राष्ट्रपति पौडेलले मुलुकमा राजनीतिक स्थिरता कायम राख्नु आवश्यक रहेको उल्लेख गर्दै प्रभावकारी कानुन निर्माणका लागि संसद्को भूमिका अझ सशक्त हुनुपर्नेमा जोड दिएका थिए ।

राष्ट्रपतिले प्राकृतिक विपद्बाट प्रभावित नागरिकको उद्धार, राहत तथा पुनस्र्थापनाका कार्यलाई प्रभावकारी बनाउन सरकार, राजनीतिक दल तथा सम्बन्धित सबै पक्षबीच समन्वय र सहकार्य अपरिहार्य रहेको पनि बताएका थिए ।