काठमाडौं, २४ असार । नेपाल राष्ट्र बैंकले सार्वजनिक गरेको आगामी आर्थिक वर्षको मौद्रिक नीतिप्रति लगानीकर्ताले सकारात्मक प्रतिक्रिया नदिँदा शेयरबजार घटेको छ । मौद्रिक नीति सार्वजनिक भएपछि कारोबार दिन बुधबार नेप्से परिसूचक ३० दशमलव ०९ अंकले घटेर २ हजार ६२१ दशमलव ५९ विन्दुमा कायम भएको हो ।

बजारमा ८४ लाख ६३ हजार १५ कित्ता शेयर किनबेच हुँदा ४ अर्ब ८२ करोड ६० लाख ८५ हजार रुपैयाँ बराबरको कारोबार भएको छ ।

आज ३६२ कम्पनीका शेयर कारोबारमा आएकामध्ये २५ कम्पनीको मूल्य बढ्दा २४७ कम्पनीको मूल्य घटेको छ ।

म्युचुअल फन्डबाहेक सबै समूहको उपसूचक घटेका छन् । सबैभन्दा बढी जलविद्युत समूह १ दशमलव ७० प्रतिशतले घटेको छ ।