तोलामा ४७ सयले बढ्यो सुनको मूल्य
अनलाइनसमय |
काठमाडौं, १४ असार । नेपाली बजारमा आज सुनको मूल्य बढेको छ । अघिल्लो कारोबार दिनको तुलनामा आज सुन तोलामा ४ हजार ७ सय रुपैयाँले बढेको हो ।
नेपाल सुनचाँदी व्यवसायी महासंघका अनुसार आइतबार छापावाल सुन प्रतितोला २ लाख ८३ हजार ८ सय रुपैयाँमा कारोबार भइरहेको छ । अघिल्लो कारोबार दिन शुक्रबार सुन प्रतितोला २ लाख ७९ हजार १ सय रुपैयाँमा कारोबार भएको थियो ।
यस्तै, आज चाँदी पनि तोलामा १४५ रुपैयाँले बढेको छ । शुक्रबार प्रतितोला ४ हजार १८० रुपैयाँमा कारोबार भएको चाँदी आज ४ हजार ३२५ रुपैयाँ कायम भएको महासंघले जनाएको छ ।
