काठमाडौं, ५ जेठ । राष्ट्रिय परीक्षा बोर्डले कक्षा १२ को परीक्षाफल सार्वजनिक गरेको छ । शुक्रबार बसेको बोर्डको बैठकले नतिजा अनुमोदन गर्दै सार्वजनिक गरेको हो ।

यस वर्षको कक्षा १२ परीक्षामा चार लाख १८ हजार १७० जना परीक्षार्थी सहभागी भएका थिए । बोर्डका अनुसार तीमध्ये ६४.१३ प्रतिशत विद्यार्थी उत्तीर्ण भएका छन् ।

कक्षा १२ को परीक्षा गत वैशाख १४ गतेदेखि देशभर सञ्चालन गरिएको थियो । परीक्षाको नतिजासँगै बोर्डले परीक्षाको मर्यादा उल्लंघन गर्ने परीक्षार्थीमाथि कारबाहीसमेत गरेको जनाएको छ ।

बोर्डका अनुसार परीक्षाको आचारसंहिता विपरीत गतिविधिमा संलग्न भएको पाइएपछि ४० जना परीक्षार्थीको परीक्षा रद्द गरिएको छ ।