कोशीको एमाले संसदीय दलका उपनेतामा तिलकुमार मेन्याङ्बा चयन
अनलाइनसमय |
काठमाडौं, १५ जेठ । नेकपा एमाले कोशी प्रदेश संसदीय दलका उपनेतामा तिलकुमार मेन्याङ्बा चयन भएका छन् । मंगलबार बसेको प्रदेश एमाले संसदीय दलको बैठकले मेन्याङ्बोलाई दलको उपनेता चयन गरेको हो । यसअघि एमाले संसदीय दलको उपनेता राम राना थिए ।
उनी आर्थिक मामिला तथा योजना मन्त्री बनेपछि उपनेता परिवर्तन भएको एमाले सचेतक कमला दर्नालले बताइन् ।
साथै मंगलबारकै बैठकले सरकारको नीति तथा कार्यक्रमका लागि सुझाव दिन पाँच सदस्यीय सुझाव समिति बनाएको छ । समितिमा उपनेता मेन्याङ्बोसहित कमला दर्नाल, तिलचन पाठक, इन्द्रमणि पराजुली र जयप्रकाश चौधरी छन् ।
