मन्त्रिपरिषद् बैठक आज बस्दै
अनलाइनसमय |
काठमाडौं, २५ वैशाख । प्रधानमन्त्री बालेन्द्र शाह (बालेन)ले आज मन्त्रिपरिषद् बैठक बोलाएका छन् । बैठक बिहान ११ बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा बसिने सरकारका प्रवक्ता तथा शिक्षा, विज्ञान तथा प्रविधिमन्त्री सस्मित पोखरेलको सचिवालयले जनाएको हो ।
बैठकमा समसामयिक राजनीतिक, प्रशासनिक तथा विकास निर्माणसँग सम्बन्धित विभिन्न विषयमा छलफल हुने बताइएको छ । साथै, बैठकबाट केही महत्वपूर्ण निर्णयसमेत सार्वजनिक गरिने अपेक्षा गरिएको छ ।
