प्रलोपाबाट सुदन किरातीले दिए राजीनामा
अनलाइनसमय |
काठमाडौं, १९ चैत । प्रगतिशील लोकतान्त्रिक पार्टी (प्रलोपा) को अध्यक्ष परिषद्का सदस्य सुदन किरातील राजीनामा दिएका छन् ।
पूर्वमन्त्रीसमेत रहेका उनले बुधबार बसेको अध्यक्ष परिषद्को बैठकमा राजीनामा पत्र बुझाएको स्रोतले बताएको छ । तर, उनको राजीनामा भने स्वीकृत भइसकेको छैन ।
तत्कालीन नेकपा माओवादी केन्द्रले नेकपा एकीकृत समाजवादीसहितका दलहरूसँग एकता गरेपछि किरातीले पार्टी परित्याग गरेर प्रलोपामा गएका थिए ।
