काठमाडौं, ५ चैत । कतारले इरानका राजदूतलाई देश निकाला गरेको छ । रास लाफान औद्योगिक क्षेत्रमा भएको इरानी मिसाइल आक्रमणपछि कतारले यस्तो कदम चालेको हो ।

कतारको प्रमुख ऊर्जा केन्द्र मानिने रास लाफान क्षेत्रमा भएको आक्रमणबाट ठूलो क्षति पुगेको बताइएको छ । सो आक्रमणपछि लागेको आगो नियन्त्रणमा लिन आपतकालीन टोलीहरू तुरुन्त परिचालन गरिएको कतार इनर्जीले जनाएको छ । हालसम्म मानवीय क्षतिको विवरण भने सार्वजनिक नभएको बीबीसीले जनाएको छ ।

घटनापछि कतारको परराष्ट्र मन्त्रालयले इरानका सैन्य तथा सुरक्षा सहचारीहरूलाई ‘पर्सोना नन ग्राटा’ घोषणा गर्दै उनीहरूलाई २४ घण्टाभित्र देश छोड्न निर्देशन दिएको छ ।