काठमाडौं, ६ माघ । नेपाली बजारमा आज पनि सुनचाँदीको मूल्यले नयाँ रेकर्ड बनाएको छ । अघिल्लो कारोबार दिनको तुलनामा आज सुन तोलामा २ हजार ७ सय रुपैयाँले बढेर नयाँ रेकर्ड बनाएको हो ।

नेपाल सुनचाँदी व्यवसायी महासंघका अनुसार मंगलबार छापावाल सुन प्रतितोला २ लाख ८४ हजार ७ सय रुपैयाँमा कारोबार भईरहेको छ, यो मूल्य हालसम्मकै उच्च हो । अघिल्लो कारोबार दिन सोमबार छापावाल सुन प्रतितोला २ लाख ८२ हजार रुपैयाँमा कारोबार हुँदै नयाँ रेकर्ड बनाएको थियो, जुन आज नै तोडिएको छ ।

यस्तै आज चाँदी पनि तोलामा ७० रुपैयाँले बढेर नयाँ रेकर्ड बनाएको छ । सोमबार तोलामा ५ हजार ८१० रुपैयाँमा कारोबार हुँदै नयाँ रेकर्ड बनाएको चाँदी आज बढेर ५ हजार ८८० रुपैयाँ कायम भएको महासंघले जनाएको छ ।