काठमाडौं, १३ साउन । हाल देशभर मनसुनी वायुको प्रभाव रहेको छ । साथै मनसुनको न्यून चापीय रेखा पश्चिममा सरदर स्थानको आसपास र पूर्वमा सरदर स्थान भन्दा उत्तर तर्फ अवस्थित रहेको जल तथा मौसम विज्ञान विभागले जनाएको छ ।

अहिले देशभर साधारणतया बदली रहेको रहनुका साथै गण्डकी, लु्म्बिनी र सुदुरपश्चिम प्रदेशका थोरै स्थानहरूमा हल्का वर्षा भईरहेको ।

आज दिउँसो देशभर साधारणतया बदली रहनेछ । विभागका अनुसार कोशी, बागमती र लुम्बिनी प्रदेश लगायत देशका पहाडी भू–भागका धेरै स्थानहरूमा तथा तराई भू–भागका केही स्थानहरूमा मेघगर्जन र चट्याङसहित मध्यम वर्षाको सम्भावना रहेको छ । कोशी, बागमती र गण्डकी प्रदेशका पहाडी भू–भाग एक–दुई स्थानमा भारी वर्षाको पनि सम्भावना रहेको विभागले जनाएको छ ।

त्यस्तै, आज राती लुम्बिनी प्रदेश लगायत देशको पहाडी भू–भागमा साधारणतया बदली रहि बाँकी तराई भू–भागमा आंशिक बदली रहनेछ । लुम्बिनी प्रदेश लगायत देशका पहाडी भू–भागका थोरै स्थानहरूमा तथा तराई भू–भागका एक–दुई स्थानमा मेघगर्जन र चट्याङसहित मध्यम वर्षाको सम्भावना रहेको विभागले जनाएको छ ।