काठमाडौं, १३ असोज । नेपाली बजारमा मंगलबार पनि सुन र चाँदी दुवैको मूल्य घटेको छ । अघिल्लो कारोबार दिनको तुलनामा आज सुन तोलामा ३ हजार ८ सय रुपैयाँले घटेको हो ।

नेपाल सुनचाँदी व्यवसायी महासंघका अनुसार आज सुन छापावाल सुन प्रतितोला २ लाख ९० हजार ५०० रुपैयाँमा कारोबार भइरहेको छ । अघिल्लो कारोबार दिन सोमबार सुन तोलामा ५ हजारले घटेर २ लाख ९४ हजार ३०० रुपैयाँमा खरिदबिक्री भएको थियो ।

त्यस्तै, आज चाँदी तोलामा ११५ रुपैयाँले घटेको छ । सोमबार प्रतितोला ४ हजार ५१० रुपैयाँमा कारोबार भएको चाँदी आज ४ हजार ३९५ रुपैयाँमा कारोबार भइरहेको महासंघले जनाएको छ ।