काठमाडौं, २५ साउन । नेपाललाई सनातन हिन्दु राष्ट्र बनाउनुपर्ने माग गर्दै काठमाडौंमा धार्मिक ‘साउन पैदल यात्रा’ आयोजना गरिएको छ ।

राष्ट्रिय प्रजातन्त्र पार्टी (राप्रपा)निकट नेपाल सनातन धर्म संस्कृति संगठनको आयोजनामा साउनको अन्तिम सोमबार पैदल यात्रा गरिएको हो । मैतिदेवी मन्दिरबाट सुरु भएको यात्रा पशुपतिनाथ मन्दिरमा पुगेर सम्पन्न भएको थियो ।

पैदल यात्रामा राप्रपा अध्यक्ष राजेन्द्र लिङ्देनलगायतको सहभागिता थियो । सहभागीहरूले सनातन धर्म, संस्कृति र परम्पराको संरक्षण तथा नेपाललाई पुनः सनातन हिन्दु राष्ट्र कायम गर्नुपर्ने मागसहित विभिन्न नाराहरू लगाएका थिए ।