काठमाडौं, २२ साउन । हाल देशभर मनसुनी वायुको प्रभाव छ । हाल मनसुनको न्यून चापीय रेखा सरदर स्थानको आसपास रहेको जल तथा मौसम पूर्वानुमान महाशाखाले जनाएको छ ।

महाशाखाका अनुसार आज दिउँसो देशभर साधारणतया बादल लाग्नेछ । देशको हिमाली भू–भागका केही स्थानमा मध्यमसम्मको वर्षा÷हिमपातको सम्भावना छ । देशको पहाडी भू–भागका केही स्थानमा मध्यमसम्मको वर्षाको सम्भावना छ । तराई भू–भागको थोरै स्थानमा मध्यमसम्मको वर्षाको सम्भावना छ ।

आज राती कोशी, बागमती, गण्डकी, सुदूरपश्चिम प्रदेशका साथै लुम्बिनी र कर्णाली प्रदेशको पहाडी र हिमाली भू–भागमा साधारणतया बादल लाग्ने महाशाखाले जनाएको छ । मधेश प्रदेश र लुम्बिनी प्रदेशको तराई भू–भागमा आंशिक बादल लाग्नेछ । कोशी, बागमती र गण्डकी प्रदेशको हिमाली÷पहाडी भू–भागको केही स्थानमा तथा लुम्बिनी, कर्णाली र सुदुरपश्चिम प्रदेशको हिमाली÷पहाडी भु–भागको थोरै स्थानमा मध्यमसम्मको वर्षा÷हिमपातको सम्भावना छ। देशका तराई भू–भागका थोरै स्थानमा मध्यमसम्मको वर्षाको सम्भावना छ । कोशी र बागमती प्रदेशको हिमाली र पहाडी भू–भागका एक–दुई स्थानमा भारी वर्षाको सम्भावना छ ।