काठमाडौं, २१ साउन । भारतीय प्रधानसेनापति जनरल धिरज सेठ नेपाल भ्रमणमा आउने भएका छन् । सरकारी स्रोतका अनुसार उनी अगस्ट १६ मा नेपाल आउने कार्यक्रम तय भएको छ ।

उनले २०२६ को जुन ३० मा भारतको प्रधानसेनापतिको रुपमा पद सम्हालेका थिए । नेपाल र भारतबिच एक अर्काका सेना प्रमुखलाई मानार्थ महारथीको दर्जा प्रदान गर्ने परम्परा रहेको छ ।

भ्रमणका क्रममा राष्ट्रपति रामचन्द्र पौडेललाई पनि भेट्ने कार्यक्रम तय भइसकेको छ । प्रधानमन्त्री बालेन्द्र शाहसँग भने भेट हुने नहुने निश्चित भएको छैन ।

नेपाल र भारतीय सेनाबीच करिब ७५ वर्षदेखि मानार्थ महारथीको दर्जा दिने चलन रहँदै आएको छ । सन् १९५० देखि मानार्थ महारथी दिने चलन रहेको सैनिक मुख्यालय जङ्गी अड्डाले बताएको छ ।

यसअघि नेपाली सेनाका बहालवाला प्रधानसेनापति अशोकराज सिग्देलले समेत भारतीय सेनाको मानार्थ महारथी दर्जा प्राप्त गरिसकेका छन् । २०८१ मङ्सिर २७ मा नयाँ दिल्लीस्थित राष्ट्रपति भवनमा एक विशेष समारोहबीच राष्ट्रपति द्रौपदी मुर्मुले प्रधानसेनापति सिग्देललाई मानार्थ महारथीको दर्जा प्रदान गरेकी थिइन् ।