सोमबार घट्यो सुनचाँदीको मूल्य
अनलाइनसमय |
काठमाडौं, १५ असार । नेपाली बजारमा सोमबार सुनचाँदीको मूलय घटेको छ । आज सुनको मूल्य तोलामा १४ सय रुपैयाँले घटेको हो ।
नेपाल सुनचाँदी व्यवसायी महासंघका अनुसार आज सुन तोलामा २ लाख ८२ हजार ४ सय रुपैयाँ कायम भएको छ । हिजो सुन प्रतितोला २ लाख ८३ हजार ८ सय रुपैयाँमा किनबेच भएको थियो ।
यस्तै आज चाँदीको मूल्य पनि घटेको छ । आज चाँदी तोलामा १५ रुपैयाँले घटेर ४ हजार ३१० रुपैयाँ कायम भएको छ । हिजो चाँदी ४ हजार ३२५ रुपैयाँमा कारोबार भएको थियो ।
