काठमाडौं, ८ असार । कारोबारको पहिलो दिन सोमबार नेपाल स्टक एक्सचेन्ज (नेप्से) परिसूचक घटेको छ । आज नेप्से परिसूचक १ दशमलव ४६ अंकले घटेर दुई हजार ७०० दशमलव ६५ बिन्दुमा कायम भएको हो ।

आज ८१ लाख ३८ हजार ४३३ कित्ता शेयर किनबेच हुँदा ४ अर्ब ४४ करोड ६५ लाख रुपैयाँको कारोबार भएको छ ।

आज ३५ धितोपत्रको शेयर मूल्य बढ्दा २३३ को घटेको छ । यस्तै २ धितोपत्रको भने स्थिर रहेको छ । यसदिन कुल ३५३ धितोपत्र कारोबारमा आएका छन् ।

सोमबार फाइनान्स शून्य दशमलव ९७, व्यापार शून्य दशमलव ९२ र माइक्रोफाइनान्स समूहको उपसूचक शून्य दशमलव ४२ प्रतिशतले बढेको छ ।

यसैगरी म्युचुअल फण्ड शून्य दशमलव ५९, जीवन बीमा शून्य दशमलव ४५, निर्जीवन बीमा शून्य दशमलव २१, होटेल तथा पर्यटन शून्य दशमलव १४, विकास बैंक शून्य दशमलव ७, उत्पादन तथा प्रशोधन शून्य दशमलव ६, अन्य, हाइड्रोपावर तथा लगानीको समान शून्य दशमलव २ र बैंकिङ समूहको उपसूचक शून्य दशमलव ०१ प्रतिशतले घटेको छ ।

आज २ कम्पनीको शेयर मूल्यमा सकारात्मक सर्किट लागेको छ । सर्किट लाग्नेमा याम्बालिङ हाइड्रोपावार र टक्सार खोला हाइड्रोपावर रहेका छन् ।

आज सप्तकोशी डेभलवमेन्ट बैंक ७ दशमलव ३२, सोपान फर्मास्यूटिकल्स ५ दशमलव ६६ र अप्पला हाइड्रोपावरको शेयर मूल्य ५ दशमलव २६ प्रतिशतले बढेको छ ।

यसदिन गार्डियन माइक्रो लाइफ इन्सुरेन्स ३ दशमलव ०४ र भुजुङ्ग हाइड्रोपावरको शेयर मूल्य ३ दशमलव ०४ प्रतिशतले ह्रास आएको छ ।