काठमाडौं, ७ असार । अमेरिकी राष्ट्रपति डोनाल्ड ट्रम्पले इरानसँगको ६० दिने अन्तरिम युद्धविरामको अवधिमा वा सो अवधि समाप्त भएपछि पनि होर्मुज जलमार्गमा कुनै शुल्क नलगाइने बताएका छन् ।

शनिबार सामाजिक सञ्जालमार्फत ट्रम्पले अन्तिम सम्झौता सम्पन्न नभएको अवस्थामा भने अमेरिकाले शुल्क लगाउन सक्ने संकेत दिएका हुन् ।

‘युद्धविराम अवधिको ६० दिनसम्म हर्मुज जलमार्गमा कुनै शुल्क लाग्ने छैन, र ६० दिनको अवधि समाप्त भएपछि पनि कुनै शुल्क लाग्ने छैन । जबसम्म ती शुल्कहरू संयुक्त राज्य अमेरिकाद्वारा र अमेरिकाकै लागि लगाइँदैनन्, यदि सम्झौता पूरा भएन भने, मध्यपूर्वका देशहरूका लागि ‘गार्डियन एन्जेल’ (अभिभावक दूत) को रूपमा विगत, वर्तमान र भविष्यको लागत फिर्ता गर्ने उद्देश्यका लागि प्रदान गरिएका सेवाहरूको बदलामा शुल्क लगाइनेछ,’ ट्रम्पले लेखेका छन् ।

इरानको अर्ध–सरकारी मेहर समाचार एजेन्सीले रिपोर्ट गरे अनुसार, इरानको मुख्य सैन्य कमान्ड, खाताम अल–अम्बिया सेन्ट्रल हेडक्वार्टरले शनिबार होर्मुज बन्द गर्ने घोषणा गरेको छ ।

अमेरिकाले भर्खरै हालसालै गरेको शान्ति समझदारी पत्रको उल्लंघन गरेको र इजरायलले दक्षिणी लेबनानमा युद्धविराम उल्लंघन गरेको दाबी इरानले गरेको छ ।