काठमाडौं, १० जेठ । सिंगापुरमा आयोजना हुने आगामी एसियन गेम्स क्वालिफायर खेल्ने नेपाली टोली घोषणा भएको छ ।

नेपाल क्रिकेट संघ (क्यान)ले आइतबार दीपेन्द्रसिंह ऐरीको कप्तानीमा १४ सदस्यीय टोली घोषणा गरेको हो ।

टीममा रोहित पौडेल पनि समावेश भएका छन् । उनी यसअघि यूएईसँगको दुई खेलको टी–२० सिरिजमा टीममा परेका थिएनन् ।

एसियन गेम्स क्वालिफायर मे ३१ देखि जुन ९ सम्म सिंगापुरमा हुँदै छ ।

नेपाली टीम ः दीपेन्द्र सिंह ऐरी (कप्तान), कुशल भुर्तेल, आसिफ शेख, रोहित पौडेल, सन्दीप जोरा, कुशल मल्ल, लोकेश बम, सन्दीप लामिछाने, शेर मल्ल, नन्दन यादव, आरिफ शेख, सोमपाल कामी, करण केसी र साहब आलम