काठमाडौं, २४ वैशाख । अमेरिकी राष्ट्रपति डोनाल्ड ट्रम्पले इरानसँग दुई महिनाभन्दा बढी समयदेखि जारी युद्ध अन्त्य गर्ने विषयमा पछिल्लो २४ घण्टामा निकै सकारात्मक वार्ता भएको बताएका छन् ।

बुधबार ह्वाइट हाउसमा आयोजित एक कार्यक्रममा बोल्दै ट्रम्पले इरान जसरी पनि सम्झौता गर्न चाहिरहेको दाबी गरे ।
उनले पत्रकारहरूसँग भने, ‘उनीहरू सम्झौता गर्न चाहन्छन् । पछिल्लो २४ घण्टामा हाम्रो निकै राम्रो वार्ता भएको छ, र सम्झौता हुने सम्भावना धेरै छ ।’

ट्रम्पले अमेरिका अहिले इरानबाट बाहिरिए पनि अमेरिकी–इजरायली संयुक्त आक्रमणबाट भएको ठूलो क्षतिका कारण इरानलाई पुनर्निर्माण हुन २० वर्ष लाग्ने दाबी पनि दोहो¥याए ।

फेब्रुअरी २८ देखि सुरु भएका अमेरिकी–इजरायली आक्रमणले इरानमा ठूलो क्षति पुगेको छ ।