नागढुंगा–मुग्लिन सडक आजदेखि तीन दिन रातको समयमा बन्द हुने
अनलाइनसमय |
काठमाडौं, १७ चैत । नागढुंगा–मुग्लिन सडक आजदेखि तीन दिन रातिको समयमा बन्द हुने भएको छ ।
जिल्ला प्रशासन कार्यालय चितवनले सूचना जारी गर्दै आजदेखि चैत १९ गतेसम्म राति १० बजेदेखि बिहान ४ बजेसम्म यातायातका साधन बन्द गरिने जानकारी दिएको छ ।
चितवन इच्छाकामना गाउँपालिका–४ घोप्टेभिरलगायत स्थानमा सडक स्तरोन्नति गर्न लागिएकोले उक्त सडकखण्ड बन्द गरिएको कार्यालयले जनाएको छ ।
पटक–पटक सवारी आवागमन बन्द गर्दा यात्रामा कठिनाइ भोग्नुपरेको भन्दै आयोजनाले अत्यावश्यक बाहेक सबै सवारीसाधन रोक्ने निर्णय गरेको हो ।
ताजा समाचार
