काठमाडौं, ८ माघ । पछिल्लो समय विश्व बजारमा नेपाली अचारको माग बढ्दै गएको छ ।

भन्सार विभागका अनुसार चालू आर्थिक वर्ष (आव)को पहिलो ६ महिनामा १ लाख ९३ हजार ६९० किलोग्राम (केजी) अचार निकासी भएको छ, जुन १० करोड ७४ लाख मूल्य बराबरको हो ।

गत आवको यसै अवधिको तुलनामा परिमाणका आधारमा ७० दशमलव ८९ प्रतिशतले अचारको निर्यात बढेको छ । गत आवको पुससम्ममा ९ करोड ८५ लाख रुपैयाँ बराबरको १ लाख १३ हजार ३३७ केजी अचार बाहिरिएको थियो ।

विशेषगरी नेपालबाट अष्ट्रेलिया, अमेरिका, बेलायत, कोरिया, जापान, इटली लगायत मुलुकमा अचार निर्यात गरिँदै आएको छ । गत पुससम्ममा सबैभन्दा धेरै अष्ट्रेलियामा २ करोड ५२ लाख रुपैयाँ बराबरको निर्यात भएको छ ।

यस्तै इटलीमा १ करोड ९६ लाख, क्यान्डामा १ करोड ९४ लाख, कोरियामा १ करोड २५ लाख र जापानमा ९४ लाख रुपैयाँ बराबरको अचार बाहिरिएको तथ्यांक छ ।

कुन देशमा कति अचार बाहिरियो ?